પોકેમોન ગો! : ગુજરાત માં રમો!

image

જેને લોકો દ્વારા અનહદ પસંદ કરવામાં આવી છે. આપ વિચાર્યું પણ નહિ હોય કે અમેરિકા જેવા દેશમાં જ્યાં મોબાઈલ અને ઓનલાઈન ગેમ્સની શોર્ટેજ નથી ત્યાં આ ગેમના યુઝર્સની સંખ્યા ટ્વીટર યુઝર્સ કરતા પણ વધુ થઇ ગઈ છે. અમેરિકામાં આ ગેમ એટલી પ્રચલિત થઇ છે કે દરેક દિવસે કંપની આ ગેમ થકી 16 લાખ ડોલર કમાણી કરી રહી છે.

અપડેટ : અમેરિકા માં પોકેમોન ગો રમવા માટે લોકો નોકરી છોડી રહ્યા છે!

શું છે પોકેમોન ગો?
પોકેમૉન ગો એક ઑગમેન્ટેડ રિયાલિટી એપ છે. આ ગેમિંગ એપ ફોનના જીપીએસ અને કેમેરાનો ઉપયોગ કરે છે. આ ગેમમાં પ્લેયર્સે ડિજીટલ પોકેમૉનને અસલી દુનિયામાં ફરતા પકડવાનું હોય છે.
ગેમપ્લે તમારી ભૌગોલિક સ્થિતિ પર્માણે નક્કી કરવામાં આવે છે. આ માટે આ એપ ગૂગલ એપ્સનો ઉપયોગ કરે છે. જો તમે કોઈ નદીની આસપાસ છો તો તમારે વૉટર પોકેમૉન શોધવો પડશે, જો તમે જંગલ અથવા પાર્કમાં છો તો તમારે ઘાસ અથવા જંતુ ટાઈપનો પોકેમૉન શોધવો પડશે.

કેવી રીતે ડાઉનલોડ કરશો?
અહીં ક્લિક કરી.

કેવી રીતે રમવી?
આ રહ્યા સ્ટેપ

1 : ઉપર ની લિંક પરથી એપ ડાઉનલોડ કરો.

2 : ઇન્સ્ટોલ કરો.

3 : ગૂગલ થી Sign Up કરો.

image

4 : પોતાની સ્ટાઇલ સિલેક્ટ કરો
image

5 : પ્રોફેસર પર ક્લિક કર્યાં કરો અને તેના સૂચનો સાંભળો

image

6 : પોકે બોલ થી પોકેમોન દેખાય તો બોલ ને ઉપર તરફ સ્વાઇપ કરો

image

અને પોકેમોન ને તમારા કબજામાં કરો!

Continue reading “પોકેમોન ગો! : ગુજરાત માં રમો!”

પ્લેસ્ટોર પરથી પૈસા વળી એપ/ગેઇમ ને ફ્રી માં ડાઉનલોડ કરો!

આ રીતે તમે એકદમ સરળતા થી પૈસા વળી એપ ને મફત માં ડાઉનલોડ કરી શકશો.

1: બ્લૉકમાર્ટ એપ ડાઉનલોડ કરો.

ડાઉનલોડ કરવા અહીં  ક્લિક કરો.

(બ્લૉકમાર્ટ પ્લે સ્ટોર પર ઉપલબ્ધ નથી.)

image

2 : તમને જે એપ/ગેઇમ જોઈતી હોય તે Search કરો

3 : ઇન્સ્ટોલ કરો.

4 : એન્જોય 🍻


પાસવર્ડ વિના અનલોક કરો કોઇ પણ સ્માર્ટફોન.


બીજા ધાણા આર્ટિકલ હાજી આવી રહ્યા છે. આ મારા ફેસબુક પેજ (અહીં ક્લિક કરો) ને લાઈક કરો અને બીજા આર્ટિકલ ના ન્યૂઝ તમને મળતાં રહેશે.


એપ ડાઉનલોડ કરો બીજા ધમાકેદાર લેખો માટે.


પાસવર્ડ વિના અનલોક કરો કોઇ પણ સ્માર્ટફોન.


જો તમને આ પોસ્ટ ગમી હોય તો લાઈક, શેર , અને કોમેન્ટ કરવાનું ભૂલશો નહિ.

સાપુતારા (ડાંગ) : ગુજરાત નું એક માત્ર હિલ સ્ટેશન

રખડપટ્ટી એજ મારો પ્રિય વિષય અને એમાં પણ દુર દુર સુધી, ડુંગરા અને  હરિયાળી  વચ્ચે ઘુમવું કો ને ના ગમેં , મારા જેવા ફરતારામ ને તો “ભાવતું હતું ને વૈદે કીધું ” જેવું થઇ જાય. અને એમ પણ મારા ગામ થી સાપુતારા ઘણું દુર નથી આટલે મોસ્ટ ઓફ વિક એન્ડ માં હું ડાંગ માં રખડપટ્ટી કરવા નીક્લીજ જાઉં છુ. સાપુતારા આત્યાર સુધી 15-20 વાર જઈ આવ્યો. સાલું દર વખતે ત્યાં રહેવાનું મન તો થઇ જાય પણ પછી સ્કૂલ માં મારા પિતાશ્રી જાય?

સાપુતારા ઘણીબધી વખત જવાનું મૂળ કારણ? ત્યાં સુધી જવાનો રસ્તો, મઝા આવી જાય ત્યાં સુધી ગાડી ચલાવવાની. સાપુતારા કરતા વઘઈ થી  સાપુતારા જતા રસ્તામાંજ મઝા આવી જાય!!! આતો થઇ મારી વાત હવે સાપુતારા વિષે થોડું જ્ઞાન મેળવો.

જ્યોગ્રાફી :

સાપુતારા દક્ષિણ ગુજરાતમાં ડાંગ જિલ્લામાં આવેલા એક માત્ર એવુ હિલસ્ટેશન છે, જે આશરે 1000 મીટર જેટલી ઉંચાઈ પર આવેલુ છે. અહી ઉનાળાની ભીષણ ગરમીમાં પણ તાપમાન આશરે 30 ડિગ્રીથી ઓછુ રહે છે. આમ તો ગુજરાતમાં અનેક જોવાલાયક સ્થળો છે, પરંતુ કુદરતનું સાચુ રૂપ તમને માણવુ હોય તો દક્ષિણ ગુજરાતમાં આવેલુ એકમાત્ર હિલસ્ટેશન એકવાર તો જવુ જ જોઈએ. ગુજરાત રાજયના એક માત્ર હિલ સ્ટેશન તરીકે જાણીતું ગિરીનગર સાપુતારા ડાંગ જિલ્લામાં સાહ્યિદ્વી પર્વતમાળાઓ વચ્ચે આવેલું છે.અહીં વહેતી સર્પગંગા નદીના તટ ઉપર અંકિત થયેલી સર્પની આકૃતિના કારણે આ સ્થાનનું નામ સાપુતારા પડેલું છે એવું કહેવામાં આવે છે.ગુજરાતમાં જંગલની વાત આવે તો ગીર બાદ બીજું સ્થળ સાપુતારાનાં જંગલો છે. ત્યાંનું વન વૈવિઘ્ય અને પ્રકૃતિ સમૃદ્ધિ પ્રવાસીઓને આકર્ષવા સક્ષમ છે.સાપુતારા ગુજરાતનું હોવા છતાં અમદાવાદ કરતાં મુંબઇથી વધારે નજીક છે. સમુદ્રથી ૧૦૮૩ મીટરની ઊંચાઇ પર આવેલું સાપુતારા ગુજરાતનું એકમાત્ર હિલ સ્ટેશન છે. સાપુતારા ગુજરાતના ડાંગ જિલ્લાનાં ઘટાટોપ જંગલો વરચે સહ્યાદ્રિ પર્વતમાળા પર આવેલું છે. દૂર-દૂર સુધી ફેલાયેલી ખીણો અને લીલીછમ વનરાજીનાં દ્રશ્યો મનને હરી લે છે. એડવેન્ચર ટુરિઝમ તરીકે પણ સાપુતારા જાણીતું બન્યું છે. ગુજરાતનુ આ હિલસ્ટેશન વીકએંડ ગેટવે તરીકે જાણીતુ છે.

સાપુતારામાં આવેલી ઉંચી પર્વતમાળાઓ અને હરીયાળીઓની વચ્ચે આવેલા તળાવો અલૌકિક લાગે છે.

1 - Saputara Lake tripadvisor.jpg

તળાવોમાં બોટીંગની મજા અનોખી છે. સાપુતારામાં આવ્યા બાદ આપણને એવી અનુભૂતિ થાય કે જાણે આપણે કુદરતના ખોળામાં આવી ગયા હોય! સાપુતારાનું સરોવર અત્યંત આકર્ષક છે. તળાવની આસપાસ હોટેલ્સ,  બોટહાઉસ અને સંગ્રાલય આવેલા છે. પ્રવાસીઓ અહીં નૌકાવિહાર કરી શકે છે. આ સરોવર સાપુતારાનું પિકનીક સ્પોટ તરીકે જાણીતું છે. આ સરોવરની આસપાસ પગપાળા રખડ્ડપટ્ટી કરવાનો આનંદ અનેરો છે.

4 - Table Top Townview Governors Hill tripadvisor Vishal Bihani.jpg

સરોવરની આસપાસ પગપાળા ભમવાનો આનંદ સ્વર્ગ સમાન છે એ રીતે પર્વતારોહીઓ માટે આ પ્રદેશ પણ ખાસ્સો એવો પ્રખ્યાત છે. હાથગઢનો કિલ્લો, પાંડવ ગુફાઓ તથા રજત પ્રતાપથી લઇને ત્રિધારા સુધીના વિસ્તારો પર્વતારોહીઓ માટે શ્રેષ્ઠ છે.

ડાંગ જિલ્લામાં ગીચ જંગલ વિસ્તાર છે. પ્રાચીનકાળમાં આ પ્રદેશ દંડકારણ્ય તરીકે ઓળખાતો હતો. રામાયણમાં શ્રીરામના ૧૪ વર્ષના વનવાસ કાળનો ઉલ્લેખ છે. આ ૧૪ વર્ષના વનવાસ કાળમાંથી શ્રીરામે સીતા અને લક્ષ્મણ સાથે ૧૧ વર્ષ આ જંગલમાં વિતાવેલા છે. આ ગીચ જંગલ વિસ્તાર સીતાવન તરીકે ઓળખાય છે. જેમ રામાયણકાળમાં શ્રી રામે દંડકારણ્યમાં વનવાસ કર્યો હતો તેમ દ્વાપરયુગમાં અજ્ઞાતવાસ દરમિયાન પાંડવોએ આ વનપ્રદેશમાં આવેલી ગુફાઓમાં વસવાટ કરેલો હતો. આ ગુફાઓ પાંડવ ગુફા તરીકે ઓળખાય છે


શું શું જોવું? :

સાપુતારા સંગ્રહલય,

સાપુતારા મધ ઉછેર કેન્દ્ર

સાપુતારા માછલી ઘર

સાપુતારા બાઝાર

રોઝ ગાર્ડન

સ્ટેપ ગાર્ડન

બોટિંગ

સન સેટ પોઈન્ટ

3 - Sunset Point Saputara tripadvisor Jenish Parmar.jpg

સન રઈઝ પોઈન્ટ

ગવર્નલ હિલ

રોપ વે

લોગ હટ

હાથ બનાવટની વાંસની સુંદર વસ્તુઓની બજાર

Girafalls Waghai, Dangs - Most Popular Waterfall On Way To Saputara, Dangs, Gujarat - 13.jpg

અને બીજી ઘણી બધી એડવેન્ચર પ્રવુતિ ઓ થય છે.


બેસ્ટ ટાઈમ ?

જંગલ અને પહાડોની વચ્ચે હોવાને કારણે મૉન્સૂન બેસ્ટ સીઝન છે, પરંતુ એ સિવાય પણ બારેય માસ અહીંનું ક્લાઇમેટ પ્રવાસીઓને માફક આવે એવું મનમોહક જ હોય છે.


શું શું કરી શકાય? :

બોટિંગ

પેરાગ્લાઈડીંગ

Saputara Paragliding Festival Gujarat Hill Station Photos Featured Photo.jpg

 

ઓક્સીજન !!!

આદિવાસી ને મળી તેમની અલકમલક ની વાતો કરો.

ઝરણું ના પાણી થી મસ્તી!😄

જાતે ખાવાનું બનાવો.(કાંદા બટાકા નું શાક!)

સવારે જાતે કોફી બનાવી પી શકાય.(ભાઈ સાચવજો તમારી સાથે તમારી વાઇફ કે ગર્લફ્રેન્ડ હોય તો છેલ્લો દિવસ જેવું ના થાય! કે તે કોફી બનાવીજ કેમ?☺)

ફોટા પાડી શકાય( એ તો કહેવુંજ ના પડે!😉)

ચાઈ પે ચર્ચા!!! (જો સવારે ગયા હોય તો.)


કેવી રીતે પહોચવું?

સાપુતારા અમદાવાદથી  ૪૨૦ કિ.મી.

રાજકોટથી  ૬૦૩ કિ.મી.,

સુરતથી ૧૭૨ કિ.મી.,

વઘઈથી  ૪૯ કિ.મી.,

બીલીમોરાથી  ૧૧૦ કિ.મી.,

મુંબઈથી  ૧૮૫ કિ.મી.,

 નજીક નું વિમાનમથક: સુરતન૧૭૨ કિમી દૂર, મુંબઈ ૨૨૫ કિ.મી. દૂર આંતરરાષ્ટ્રીય એરપોર્ટ

નજીક નું રેલ્વેસ્ટેશન: બીલીમોરા

ધોરી માર્ગ: સાપુતારાથી આહવા, વઘઇ, બીલીમોરા, સુરત, વલસાડ, વડોદરા, પાટણ, અમદાવાદ, નાસિક, સપ્તશ્રુંગી ગઢ, કળવણ, શીરડી જવા માટે ગુજરાત તેમ જ મહારાષ્ટ્ર રાજ્ય પરિવહન નિગમની બસો પ્રાપ્ય છે.

રહેવા માટે સાપુતારા માં ઘણી બધી હોટેલ છે

(ગુજરાતકી આંખો કા તારા એવું સાપુતારા એક નૈસર્ગિક પર્યટન સ્થળની સાથે સાથે, હવે લગ્ન સમારંભો માટે પણ લોકોની પહેલી પસંદ બની રહ્યું છે!!!)


ડાંગ ના બીજા ફરવા જેવા સ્થળો.


બીજા ધાણા આર્ટિકલ હાજી આવી રહ્યા છે. આ મારા ફેસબુક પેજ (અહીં ક્લિક કરો) ને લાઈક કરો અને બીજા આર્ટિકલ ના ન્યૂઝ તમને મળતાં રહેશે.


એપ ડાઉનલોડ કરો બીજા ધમાકેદાર લેખો માટે.


Don’t forget to Like, Share, Comment !

 

 

એન્ડ્રોઇડ રૂટ શું છે?

 

ઘણીવાર તમે અનેક લોકોને વાત કરતાં સાંભળ્યા હશે કે તેઓએ ફોન સ્લો થઇ જવાના કારણે તેને રૂટ કરી દીધોછે. ફોનને રૂટ કરવાનો અર્થ એ છે કે તમે તમારા સોફ્ટવેરમાં જઇને જેવો ઇચ્છો છો તેવો બનાવી શકો છો. એન્ડ્રોઇડ ઓપરેટિંગ સિસ્ટમ સલામતીના કારણે કેટલાક ફોલ્ડરને ખોલવાનીકે તેમાં લખવા-વાંચવાની પરવાનગી આપતું નથી. તે માટે તેમાં સલામતીના ભાગરૂપે લોક આપેલ હોય છે. જો આ લોક તોડવામાં આવે તો આપણે ઓપરેટિંગ સિસ્ટમમાં ફેરફારો કરીને ઉપયોગિતા વધારી શકીએ. અને તમારા ફોનમાં કંપની દ્વારા આવેલી એન્ડ્રોઇડ સિસ્ટમમાં ફેરફાર કરવાની સત્તા આપે છે. તમે ફોનની અંદર રૂટિંગની એપ્લિકેશન નાખીને તેમાં સુપર યુઝર એપનો ઉપયોગ કરી શકો છો. એટલે કે સુપર યુઝર એપ નાખતા પહેલાં રૂટિંગ જરૂરી છે. આનો ફાયદો એ કે તમે બધી જ એપ્લિકેશનનો ઉપયોગ કરી શકો છો.

ફરક બસ એટલો છે કે અમુક જ એપ્લિકેશન એવી હોય છે કે જે કદાચ તમારા ફોનના હાર્ડવેરને સપોર્ટ ન કરતી હોય. બાકી મોટાભાગની કંપનીઓ આજકાલ આ એપને સપોર્ટ કરતી હોય એવી જ સિસ્ટમ આપે છે. કેમ કે, જે લોકોને આનો ઉપયોગ ન આવડતો હોય તે લોકો અજાણતા જ ફોનને નુકસાન કરે છે તેથી સ્માર્ટ ફોન બનાવતી કંપનીઓ આવી સિસ્ટમ આપે છે, પણ તેનો ઉપયોગ કરવાનું બાધિત રાખે છે. બધી જ કંપનીમાં નિયમ મુજબ વોરંટીના સમય દરમિયાન રૂટ કરવાથી ફોનની વોરંટી રહેતી નથી.

જોકે,આ એપનો ઉપયોગ કરતા પહેલા થોડી સાવચેતી રાખવી હિતાવહ છે. જેમ કે, બધાં જ ઓપ્શનમાં હા કે ના ક્લિક કરતા પહેલા થોડું જાતમહેનતે ઇન્ટરનેટ પર એ વિશે જાણી લેવાથી જોખમ ટળી જાય છે. આ થોડું ટેકનિકલ છે પણ તેના અનેક ફાયદા છે તો તેમાં નુકસાન પણ છે. હાલમાં ખૂબ ઓછા લોકો છે જે પોતાના સ્માર્ટફોનને રૂટ કરે છે. ફોનને રૂટ કર્યા બાદ તમે તેના સીપીયુ, રેમ, એસડી કાર્ડ ઓપ્શનની સિવાય અનેક અન્ય ફીચર પર કંટ્રોલ કરી શકો છે.કેટલિક ઉપયોગી Apps પણ ફક્ત Rooted ફોન પર જ ચલાવી શકાતી હોય છે.

પરંતુ આ પ્રક્રિયા માટે આપને આ બાબતનું ઉંડાણનું જ્ઞાન હોય તે આવશ્યક છે. અન્યથા આપની ઓપરેટિંગ સિસ્ટમ કરપ્ટ થવાની શક્યતા રહે છે. ઉપરાંત Rooting કરવાથી આપના ફોનની વોરંટી પૂરી થઇ જવાની શક્યતા રહેલી છે.દરેક એન્ડ્રોઇડ વર્ઝન માટે Rootingની રીત અલગ હોય છે.


 

જો તમે ફોનને રૂટ કરવા ઇચ્છો છો તો તેના માટે કેટલીક વાતોનું ખાસ ધ્યાન રાખવું જરૂરી છે.

તેના ફાયદા અને ગેરફાયદા બંને છે.ગેરફાયદા ની સામે ફાયદા 100% વધારે છે. પણ તેના માંટે તમને  ટેકનિકલ જ્ઞાન હોવું જરૂરી છે.


 ગેરફાયદા:
– ફોનને રૂટ કર્યા બાદ તમારા એન્ડ્રોઇડ ફોનનું લેટેસ્ટ વર્ઝન મળી રહે છે અને જો એન્ડ્રોઇડ દે પણ ઓફિશિયલ અપડેટ આપસે તેને ફોનમાં કરી શકાતા નથી.
– જો તમે ફોનને એકવાર રૂટ કરી દો છો તો તમારા ફોનની વોરંટી જતી રહે છે. ભલે તમે ફોનને એક દિવસ પહેલાં જ રૂટ કેમ ન કર્યો હોય.
– ફોનને રૂટ કર્યા બાદ તેમાં બગ આવવાની સંભાવનાઓ વધી જાય છે અને સાથે તમારા ફોનને કોઇ સરળતાથી હૈક પણ કરી શકે છે.

ફાયદા:

એકજ વાક્ય માં કહું તો,  ફોન તમારો ગુલામ થઇ ગયો એમ કહી શકાય તમે ધારે તે કરી શકો. પૈસા વળી એપ પણ મફત માં મળી જાય. તમને કીધું તો ખરું ફોન તમારો  ગુલામ થઇ જાય 🙂


For any More information Please Contact Me

To know more About Me!


એપ ડાઉનલોડ કરો બીજા ધમાકેદાર લેખો માટે


Thanks!


Don’t forget to Like, Share, Comment !

પાસવર્ડ વિના અનલોક કરો કોઇ પણ સ્માર્ટફોન.

મોટાભાગનાં સ્માર્ટફોન યુઝર્સ પોતાનાં ફોનને પાસવર્ડ અને અલગ અલગ પેટર્ન વડે સુરક્ષિત રાખતા હોય છે. પણ ઘણી વાર એવું થાય છે કે યુઝરે પોતે જ બદલેલા પાસવર્ડ કે પેટર્નને તે ભૂલી જાય છે. આવા સમયે ફોનનો ઉપયોગ નથી કરી શકાતો અને જરૂરી કામો અટકી જાય છે. આ સમસ્યાથી છૂટકારો મેળવવા ઘણી વાર આપણે મોબાઇલ શોપ પર જઇને પાસવર્ડ તોડાવવો પડે છે કે ફોનને ફોર્મેટ કરાવવો પડે છે. પણ અમુક ટ્રીક્સની મદદથી તમે તમારા ફોનનાં પાસવર્ડને રીસેટ કરી શકો છો.

image

જો તમારો સ્માર્ટફોન લોક થઇ જાય તો સૌથી પહેલા તેને સ્વિચ ઓફ કરી દો. આમ કરવા માટે કેટલાક ફોનમાં પાસવર્ડની જરૂર નથી પડતી. જો તમારા ફોનને સ્વિચ ઓફ કરવા માટે પણ પાસવર્ડની જરૂર પડતી હોય તો તેની બેટરી બહાર કાઢી દો અને ફોન બંધ કરી દો.

ત્યારબાદ પાવર બટનની સાથે વોલ્યુમ અપનું બટન સતત દબાવતા રહો. આ સ્ટેપ અલગ અલગ ફોનમાં અલગ અલગ પ્રકારે પરફોર્મ કરવામાં આવે છે. કેટલાક સ્માર્ટફોનમાં આ વોલ્યુમ લો બટન દ્વારા થાય છે.


 

દાખલા તરીકે-

– નેક્સસ 7 માટે- વોલ્યુમ અપ + વોલ્યુમ ડાઉન + પાવર
– સેમસંગ ગેલેક્સી એસ3 માટે- વોલ્યુમ અપ + હોમ + પાવર
– મોટોરોલા ડ્રોઇડ- હોમ + પાવર

 

આ સ્ટેપને ત્યાં સુધી ફોલો કરો જ્યાં સુધી તમારા ફોન પર લોગો સ્ક્રીન ના દેખાય. ત્યારબાદ પાવર બટનને દબાવવાનું બંધ કરી દો. પણ વોલ્યુમ બટનનો ઉપયોગ હજું પણ ચાલુ રાખો. આમ કરવાથી એન્ડ્રોઇડ સિસ્ટમ રિકવરી સ્ક્રીન ડિસ્પ્લે થશે. આ સ્ટેપ અંગે બહુ ઓછા યુઝર્સ જાણતા હોય છે.

જ્યારે આ સ્ક્રીન ડિસ્પ્લે થશે ત્યારે તમારી સામે એક ડ્રોપ મેનુ આવશે. તે સ્ક્રીન કોમ્પ્યુટરની કમાન્ડ સ્ક્રીન જેવું જ દેખાય છે. આ સ્ક્રીન પર વોલ્યુમ બટનની મદદથી નેવિગેટ કરો (ઉપર અને નીચે) અને પાવર બટન વડે તમારું ઓપ્શન પસંદ કરો.

હવે આ સ્ક્રીન પર ‘રિબૂટ સિસ્ટમ રોમ’ કે ‘રીસેટ ફેક્ટ્રી સેટિંગ્સ’નું ઓપ્શન પસંદ કરો. ઘણા ફોનમાં આ ઓપ્શન ‘ડિલીટ ઓલ યુઝર ડેટા’ ના નામે પણ આવે છે. આમ કરવાથી સિસ્ટમ તેને રિચેક કરશે. સ્ક્રીન પર યસ કે નો નું ઓપ્શન દેખાશે. તેને યસ કરો.

તમારા સ્માર્ટફોનમાં બધો ડેટા રીસેટ થવામાં થોડો સમય લાગશે. જેવું સિસ્ટમ પોતાનું કામ પૂરું કરશે એમ જ એન્ડ્રોઇડ સિસ્ટમ રિકવરી સ્ક્રીન ફરી ડિસ્પ્લે થવા માંડશે.

હવે સ્ક્રીન પર ‘રિબૂટ સિસ્ટમ’નું ઓપ્શન પસંદ કરો. ધ્યાનમાં રાખો કે કોઇ બીજો વિકલ્પ ના સિલેક્ટ થાય. નહીં તો આખી પ્રોસેસ ફરી કરવી પડશે.

હવે તમારો ફોન સામાન્ય રીતે રીબૂટ થઇ જશે. આ ફોનમાં હવે પાસવર્ડ કે પેટર્ન નાંખવાની જરૂર નહીં પડે. આમ કરવાથી બધા ફેક્ટરી સેટંગ્સ ફરીથી એક્ટિવેટ થઇ જશે.

પીચર તો અભી બાકી હૈ મેરે દોસ્ત, સ્માર્ટફોન વિષે ના બીજા ધાણા આર્ટિકલ હાજી આવી રહ્યા છે. આ મારા ફેસબુક પેજ (અહીં ક્લિક કરો) ને લાઈક કરો અને બીજા આર્ટિકલ ના ન્યૂઝ તમને મળતાં રહેશે.

image

હવે ના આર્ટિકલ માં તમારાં ફોન ને એકદમ સ્ટાલિસ લુક કેવી રીતે આપી શકાય તે આવશે.

અને હા આ પોસ્ટ ગમી હોય તો શેર કરવાનું ભૂલશો નહિ.


To know more About Me!


એપ ડાઉનલોડ કરો બીજા ધમાકેદાર લેખો માટે


Don’t forget to Like, Share, Comment !

ગૂગલ એન્ડ્રોઈડ 5.0 લોલીપોપના ટોપ 5.0 ફીચર્સ

1. ગમે તે ડિવાઈસ પર ચાલશે આપની વસ્તુઓ

devices

એન્ડ્રોઈડ લૉલિપૉપને કારણે તમામ એન્ડ્રોઈડ ડિવાઈસ પર આપનો અનુભવ એક જેવો રહેશે. એક એન્ડ્રોઈડ ડિવાઈસના ગીતો, ફોટો, એપ્સ અને ત્યાં સુધી કે તેના પર કરાયેલું સર્ચ પણ આપ આપના તમામ એન્ડ્રોઈડ ડિવાઈસ પર મેળવી શકો છો.

2. મટીરિયલ ડિઝાઈન

pick-up
એન્ડ્રોઈડ લૉલિપૉપને કારણે ઓપરેટિંગ સિસ્ટમનો લૂક ખાસ્સો બદલાયેલો લાગશે. તેને અનેક પ્રકારના ડિવાઈસ માટે ડિઝાઈન કરાઈ છે, જેમાં સ્માર્ટફોન, ટેબલેટ, લેપટોપ અને ટીવી સુદ્ધા સામેલ છે. તેમાં ઈન્ટરફેસ ઈલેવેશન વેલ્યૂ, રીયલ ટાઈમ શેડો અને લાઈટિંગનો સપોર્ટ છે, જેના કારણે આપ સ્ક્રીન પર ગમે તે વસ્તુ એ રીતે યૂઝ કરી શકશો જાણે કે તમારી સ્ક્રીન પર તરી રહ્યા હોય.

3.બહેતરિન નોટિફિકેશન

your-device

એન્ડ્રોઈડ લૉલિપૉપમાં નોટિફિકેશન્સને પહેલાથી વધુ બહેતર બનાવાયા છે. આપ કયા મેસેજ વધારે જરૂરી છે તે પણ પસંદ કરી શકો છો. વોલ્યૂમ બટનથી પ્રાયોરિટી મોડ સિલેક્ટ કરી શકાશે જેથી ડિસ્ટર્બ ઓછો થાય. આ મોડમાં આપને પસંદગીનના લોકો અને એપ્સના જ નોટિફિકેશન મળશે. આપ પ્રાયોરિટી મોડ એક્ટિવ કરવાનો ટાઈમ પણ સેટ કરી શકો છો.

4. એન્ડ્રોઈડ સ્માર્ટલોક

unfocused-5
એન્ડ્રોઈડ લૉલિપૉપ સ્માર્ટફોન અનલૉક કરવો વધુ સરળ બનાવશે અને આપને વારંવાર ન તો પિન નાખવો પડશે કે ન તો પેટર્ન બદલવી પડશે. જેમ કે, આપ એન્ડ્રોઈડ સ્માર્ટવોચ પહેરશો તો એન્ડ્રોઈડ લોલિપોપ ડિવાઈસને તે જાતે જ ઓળખી લેશે અને પાવર બટન દબાવવા પર જાતે જ અનલોક થઈ જશે.

5. એપ ઈન્ડેક્સિંગ

photo (2)

ગૂગલે એન્ડ્રોઈડ લોલિપોપના નવા એપ ઈન્ડેક્સિંગ ફંકશનને કારણે ક્રોમ દ્વારા એપ્સ સુધી પહોંચવાનું સરળ બનાવી દીધું છે. જેમ કે, આપ ક્રોમ પર કોઈ હોટેલ સર્ચ કરશો અને તમારા ફોનમાં હોટેલને લગતી કોઈ એપ હશે તો ક્રોમ તેને ઓળખી જશે અને સર્ચ રિઝલ્ટનું લિસ્ટમાં તેને જોડી દેશે. લિંક પર ક્લિક કરવાથી આપના એપમાં તે હોટેલનું વેબપેજ ખૂલી જશે. હવે આપને એક એપમાંથી બીજી એપમાં કોપી-પેસ્ટ પણ નહીં કરવું પડે.


For any More information Please Contact Me

To know more About Me!


એપ ડાઉનલોડ કરો બીજા ધમાકેદાર લેખો માટે


Thanks!


Don’t forget to Like, Share, Comment !

ઇલેક્શન સ્પેશિયલ જાહેરાતો!!!

ઈલેક્શનના ગરમ વાતાવરણ તાજેતરમાં કેટલીક ટચુકડી જાહેરાતો અમારી નજરે ચઢી હતી. આ જાહેરાતો કદાચ તમારી નજરે ના ચઢી હોય એટલાં સારું એ અહીં રજુ કરીએ છીએ. આ જાહેરાતોમાં અમારું કોઈ કમિશન નથી તેની નોંધ લેવી.

જોઈએ છે

તાત્કાલિક જરૂર છે સારા ચોકીદારની કે જે પક્ષના કાર્યાલયમાં કૂતરાં ઘુસી ના જાય તેનું ધ્યાન રાખી શકે. કૂતરાં ઓળખવાનો પૂર્વ અનુભવ હોવો જરૂરી છે.

જોઈએ છે

તાત્કાલિક પાંચ હજાર વુવુઝેલા(પીપૂડાં) જોઈએ છે. હાજર સ્ટોક હોય અને સભામાં સીધી ડીલીવરી કરી શકે તેવી પાર્ટીએ પક્ષના કાર્યાલય પર રાતના દસ પછી સુરેશ ‘સીટી’નો સંપર્ક કરવો. પેમેન્ટ કેશમાં કરવામાં આવશે.

જોઈએ છે

અઢાર વર્ષથી વધુ ઉંમરના અંદાજે ૧૦,૦૦૦ લોકો ચૂંટણીના દિવસ માટે આકર્ષક વળતરથી રોકવાના છે. નખ પર ડાઘ-નિશાન વગરના કાકા, કાકી, યુવાન, યુવતી કોઈ પણ ચાલશે. જ્ઞાતિબાધ નથી. દલાલ માફ.

ક્રાઉડ મેનેજમેન્ટ

સભા, સરઘસ, રેલી માટે ટ્રેઈન્ડ મેનપાવર પ્રોવાઈડ કરવામાં આવશે. સાયકલ કે ટુ-વ્હીલર રેલીમાં વાહન સાથે મેનપાવર મળશે. ચોક્કસ ધર્મના દેખાતા હોય તેવા માણસો પણ મળશે. સાંભળનારની જીભે ચઢી જાય એવા સૂત્રો પણ બનાવી આપવામાં આવે છે. આક્રમક, અસરકારક અને વાસ્તવિક દેખાય તેવી રીતે સુત્રોચ્ચાર કરવાની ટ્રેનિંગ અમે આપીશું.

જડયા છે

એક ભાઈ જડયા છે.એમણે સફેદ લેંઘો અને ઈસ્ત્રી-ટાઇટ ઝભ્ભો પહેર્યો છે. ભાઈ ખાધે-પીધે સુખી ઘરનાં દેખાય છે. આ ભાઈ પાંચ વરસ પહેલા ખોવાઈ ગયા હતા, અને આજકાલ બનાવટી હાસ્ય અને ખોટા કોન્ફીડન્સ સાથે રોજ લોકસંપર્ક કરતાં નજરે ચઢે  છે. આ ભાઈ સતત ‘મત આપો’ એવું બોલ્યા કરે છે. આ ભાઈના વાલી-વારસોને વિનંતી કે આ ભાઈને ‘જેમ છે જે સ્થિતિમાં છે’ તેમ  લઈ જાય. લઇ જનારે આ ભાઈ ફરી જાહેરમાં દેખાય નહિ તેની ખાતરી આપવાની રહેશે.

ખોવાયા છે

જુના કાર્યકરો ખોવાયા છે. છેલ્લે ટિકિટ વહેંચણીની જાહેરાત પછી વિરોધ કરવા દેખાયાં હતા, એ પછી કોઈ પતો નથી. મોબાઈલ પણ સ્વીચ ઓફ આવે છે. ખોવાયેલ ભાઈ-બહેનોને વિનંતી કે તમારા વગર પ્રચાર અટકી પડ્યો છે એટલે પપ્પા બહુ ગુસ્સામાં છે. મમ્મીને ખાવાનું ભાવતું નથી અને કાકાને કાઈ સુઝતું નથી. તો આ જાહેરાતને રૂબરૂ મળ્યા તુલ્ય ગણી મૂળ પાર્ટીમાં પાછા આવી જશો. ગઈ ગુજરી ચુંટણી સુધી ભૂલી જવાની ખાતરી પપ્પાએ આપી છે. લી. મામા.

ફોલોઅર્સ મેળવો

સોશિયલ મીડિયા જેવા કે ફેસબુક પર ફોલોઅર કમ ભક્ત મેળવો. તમારા દરેક સ્ટેટ્સ મેસેજ શેર અને ટ્વીટ-રીટ્વિટ કરી આપવામાં આવશે. શેર- રીટ્વિટ દીઠ માત્ર દસ પૈસાના નજીવા દરે. મળો યા લખો.

લાફાખાઉં

હળવા હાથે પણ કેમેરામાં અસ્સલ લાગે એવો નકલી મુલાયમ લાફો મારનાર તથા લાફો માર્યા બાદ આજુબાજુ ઉભેલા સમર્થકો દ્વારા પડતો માર સહન કરી શકે તેવો, બોલીવુડના જાણીતા ફાઈટ માસ્ટર પાસે ટ્રેઈન થયેલો સ્ટાફ ભાડે મળશે. દેશના કોઈ પણ ભાગમાં સર્વિસ આપવામાં આવશે. લાફો મારનાર શખ્સ અગાઉ અન્ય પાર્ટીમાં કાર્યકર તરીકે રહ્યા હોય એવા પુરાવા પણ પુરા પાડવામાં આવશે. સમગ્ર ઘટનાની વિડીયો ક્લીપ પ્રસંગ પુરો થાય એના એક કલાકમાં મળી જશે. ક્લીપને વ્યાજબી ભાવે સોશિયલ મીડિયામાં વાઈરલ પણ કરી આપવામાં આવશે.

સ્વાગત કરનારા મળશે

આપના લોકલાડીલા નેતાજીના રોડ શો દરમ્યાન અમારા અનુભવી કાર્યકરો દ્વારા એમનું ગલીએ ગલીએ, ચકલે-ચૌટે હાર, શાલ, સુતરની આંટીઓ, લુંગી કે ટોપી પહેરાવીને ઉમળકાભેર સ્વાગત કરાવો. લોકલ વ્યક્તિઓનો જ ઉપયોગ કરવામાં આવશે. સ્વાગત-સત્કાર બિલકુલ સ્વયંભૂ લાગે તેની ગેરંટી. નોંધ: નોટોનો હાર પહેરાવવાનો હોય તો રોકડ અલગથી લેવામાં આવશે.

વૃદ્ધ અને ગરીબો પુરા પાડવામાં આવશે

આપના નેતાજી તેમની લોક-સંપર્ક યાત્રા દરમ્યાન એકદમ ગરીબ, અશક્ત અને વૃદ્ધ વ્યક્તિ સાથે એકદમ જીવંત અને લાગણી સભર લાગે તેવા ફોટા પડાવી શકે એ માટે ગંદા-ગોબરા બાળકો તથા તદ્દન ખખડી ગયેલા બેહાલ ડોસા-ડોશીઓનો સચોટ અભિનય કરી શકે તેવા અનુભવી કલાકારો પુરા પાડવામાં આવશે. ચૂંટણી પુરી થાય ત્યાં સુધી આ કલાકારો જાહેરમાં દેખા નહિ દે તેની ખાતરી*.

 
એરકન્ડીશન ઝુંપડા
પાર્ટીના નેતાઓ માટે ગરીબો સાથે ભોજન અને રાત્રિનિવાસ માટે બહારથી ચીંથરેહાલ અને અંદરથી તમામ સુવિધા સહિતના એરકન્ડીશન ઝુંપડા મેનપાવર સહિત દેશના કોઈપણ ભાગમાં પુરા પાડવામાં આવશે.

નકલી સ્ટીંગ ઓપરેશન કરી આપવામાં આવશે

ઈલેક્ટ્રોનિક મીડિયા અને સોશિયલ મીડિયામાં કોઈ પણ ન્યુઝ કે ઘટનાને બ્લેક-આઉટ કરવા માટે ચકચાર મચાવી મુકે તેવું નકલી સ્ટીંગ ઓપરેશન કરી આપવામાં આવશે. કોર્ટ કેસ થાય તે પહેલાં તમામ સાક્ષીઓ ફરી જાય તેની ગેરંટી*.

* શરતો લાગુ.


For any More information Please Contact Me

To know more About Me!


એપ ડાઉનલોડ કરો બીજા ધમાકેદાર લેખો માટે


Thanks!


Don’t forget to Like, Share, Comment !

By Adhir Amdavadi

અર્થ 0.0

DAY 1 (Afternoon)

આજે પ્રથમ વખત સવારે વહેલા ઉઠવામાં મને મોડું થયું હશે પરતું એ મારી ચિંતાનું કારણ ન હતું, આંખો સામે તીવ્ર પ્રકાશ હતો, શ્વાસ લેવામાં મને તકલીફ પડી રહી હતી, માથાનો દુઃખાવો અને હું જમીન પરથી ઉઠવા માટે પણ અસમર્થ હતો. મારા શરીરને નાના દોરાઓ વડે જકડી રાખ્યું હોય એવો અનુભવ થઇ રહ્યો હતો. સખત ગરમીના કારણે શરીરનું પાણી પરસેવો બની રહ્યું હતું અને તીવ્ર પ્રકાશના કારણે હું નજીક પડેલી વસ્તુઓ પણ જોઈ શકતો ન હતો. મેં ઉભા થવાની કોશિશ કરી પરંતુ શ્વાસ લેવાની તકલીફના કારણે શરીરમાં એટલી શક્તિ બચી ન હતી. મારી હલન-ચલન જોઈ કોઈએ રૂમની તમામ બારીઓ બંધ કરી અને આખો આગળથી પ્રકાશ દુર થયો.

(Evening)

હજી મને પણ વિશ્વાસ નથી થઇ રહ્યો પરંતુ હું આ શબ્દો અન્ય ગ્રહ પરથી લખી રહ્યો છું. મારા મગજમાં હમણાં અનેક પ્રશ્નો ઉદ્દભવી રહ્યા છે જે પ્રશ્નો તમને પણ થશે જયારે જાણશો કે હું આપણી પૃથ્વી પર નથી. આજે જયારે રૂમની તમામ બારીઓ બંધ થઇ ત્યારે હું મારી આજુ બાજુ રહેલી તમામ વસ્તુઓ જોઈ શક્યો. મેં આજ સુધી જોયેલા તમામ રૂમોથી પણ વિશાળ આ ઓરડામાં ફક્ત હું એકલો હતો અને અન્ય એક માણસ જે બારીઓ બંધ કરી રહ્યો હતો. હું એ પણ નક્કી કરી શકતો નથી કે એને માણસ કેહવો કે એલિયન પરંતુ હું એને મિત્ર ચોક્કસપણે કહી શકું કારણકે એણે મને ઉભા થવામાં મદદ કરી. મારા માટે સૌથી આશ્ચર્યની વાત એની લંબાઈ છે, બાર થી તેર ફૂટ લાંબો આ મિત્ર મારી તરફ એકધારી નજરે જોયા કરે છે. મારા એક પ્રશ્નનો જવાબ મને મળી ગયો છે, બાર ફૂટ લાંબા માણસો માટે આ રૂમ વિશાળ કહી શકાય નહિ.

DAY 2

આખી રાત મેં મારા નવા મિત્રને જોયા કર્યો અને એણે મને. મેં એના સાથે વાત કરવાની પણ કોશિશ કરી પરંતુ મને લાગે છે કે એને મારી સાથે વાત કરવાની પરવાનગી નથી. મને તો એ પણ ખબર નથી કે એ બોલી શકે છે કે નહિ અને મારી ભાષા સમજી શકે છે કે નહિ. આખી રાત હું પણ મારી જગ્યા પર જ રહ્યો કારણ કે મારામાં ચાલવાની પણ શક્તિ ન હતી. આજુ-બાજુની તમામ વસ્તુઓ લાલ રંગની હતી, અને મારા માટે આ વિશાળ લાગતો ઓરડો આ ગ્રહની જેલ હોય એવું લાગી રહ્યું હતું. આ જગ્યા પૃથ્વીથી ખુબ જ અલગ છે, અહી ક્યારેક ખુબ જ અજવાળું હોય છે તો ક્યારેક ખુબ જ અંધારું. ક્યારેક ખુબ જ ગરમી તો ક્યારેક ઠંડી નો અનભવ પણ થાય છે. રૂમમાં કોઈ લાઈટ કે પંખા નથી. સમય અને કયો દિવસ ચાલી રહ્યો છે એ પણ ખબર પડતી નથી, જયારે પણ ડરનો અનુભવ થાય છે ત્યારે ભગવાનને યાદ કરી લઉ છું. મને મારી સાથે શું થયું એ યાદ નથી પરંતુ અહી આપણી પૃથ્વીની યાદ બહુ આવે છે.

  આજ સુધી હું એમ માનતો હતો કે પૃથ્વી સિવાય બીજે ક્યાંય જીવન શક્ય નથી અને કોઈ એલિયન કહી શકાય એવા જીવોનું અસ્તિત્વ નથી. મારી માન્યતા એવી હતી કે આ બ્રહ્માંડમાં મનુષ્યો જ સર્વશક્તિમાન છે, કારણ કે આપણે મનુષ્યો કોઈ એલિયનને શોધી શક્યા નથી અને જો આપણા કરતા શક્તિશાળી એલિયનનું અસ્તિત્વ હોત તો તેઓ આપણને શોધવામાં સફળ રહ્યા હોત. પરંતુ આ તમામ માન્યતાઓ ખોટી પડી જયારે ઝેઉસ મને જોવા આવ્યા.

   મારો શક સાચો હતો, હું આ ગ્રહની જેલમાં છું, કદાચ આ લોકોએ મને દુશ્મન સમજી લીધો હશે પરંતુ હું એમને એ પણ કહી શકતો નથી કે હું દુશ્મન નથી. કદાચ એમના માટે હું એલિયન હોઈશ. હવે મારો ડર થોડો ઓછો થયો છે અને હું હજી જીવિત છું એનો અર્થ એમ થયો કે આ લોકો આપણાથી શક્તિશાળી છે અથવા આ લોકોને મારાથી કોઈ ખતરો નથી.

   આજે ઝેઉસ મને જોવા આવ્યા, ઝેઉસ અહીંના વૈજ્ઞાનિક છે. તમને જાણીને આશ્ચર્ય થશે કે ઝેઉસ આપણી પૃથ્વીની તમામ ભાષાઓ જાણે છે અને એમને ખબર છે કે હું પૃથ્વીનો રેહવાશી છું. એમણે મારી સાથે અંગ્રેજી, હિન્દી અને આપણી ગુજરાતી ભાષામાં પણ વાત કરી. ઝેઉસના કેહવા પ્રમાણે હું એમના ચાર મહિના એટલે કે પૃથ્વીના એકવીશ દિવસોથી બેભાન અવસ્થામાં હતો અને ગઈ કાલે મેં આ નવા ગ્રહ પર આંખો ખોલી. ઝેઉસે મને કહ્યું, હું એમનાં ખેતરોમાં પડ્યો હતો. ઝેઉસે મને અહીં લાવતા પેહલાં મારું ચેકિંગ કરી લીધું હતું અને એમને વિશ્વાસ થયો કે એમને મારાથી કોઈ ખતરો નથી એટલે જ મને અહીં આ જેલમાં લાવવામાં આવ્યો. મેં એમને પૂછ્યું મને અહીં જેલમાં કેમ રાખવામાં આવ્યો છે તો એમણે મને જવાબ આપ્યો, એમને ડર હતો કે મારા પર કોઈક સુપરપાવર હશે જેનાથી તેમને ખતરો હોઈ શકે. મેં એમને કહી દીધું છે કે મારા પર એવા કોઈ સુપરપાવર નથી અને હવે મને જલ્દી અહીંથી એમની લેબમાં લઇ જવામાં આવશે.

    ઝેઉસની લંબાઈ પણ આશરે તેર ફૂટ હશે. ઝેઉસ એકદમ પાતળા છે અને તેમના શરીર પર એક પણ વાળ નથી. આજે ઝેઉસે મને અનેક પ્રશ્નો પૂછ્યા, પરંતુ એમણે જવાબો મેળવવા માટે કોઈ પણ બળજબરી કરી નથી. ઝેઉસ સામે મારા પણ અનેક સવાલો હતા, અને ઝેઉસના જવાબો પરથી મને ખબર પડી કે હું ‘વિલ્ફી’ નામના ગ્રહ પર છું, અહીંની ભાષામાં ‘વિલ્ફી’ નો અર્થ જીવન થાય છે. અહીંના તમામ લોકો બારથી તેર ફૂટ લંબાઈના છે અને તેઓ ‘ઓલસ’ ભાષા બોલે છે. ઝેઉસ અહીંના વૈજ્ઞાનિક છે અને તેમનાં કેહવા મુજબ આપણા સેટેલાઈટથી થતા કોમ્યુનિકેશનના સિગ્નલોનો અભ્યાસ કરી તેઓ પૃથ્વીની તમામ ભાષાઓ શીખ્યા છે. ઝેઉસના કેહવા મુજબ હું અવકાશમાં સ્પેસવોક કરી રહ્યો હતો અને તે દરમિયાન વિલ્ફીના ગુરુત્વાકર્ષણબળના કારણે હું અહીં ખેંચાઈ આવ્યો. મારા અહીં હોવાની ખબર ફક્ત ઝેઉસને છે અને અહીં અન્ય કોઈ મારા વિશે જાણતું નથી. ઝેઉસે મને કહ્યું છે કે જ્યાં સુધી હું અહીંના કોઈ નિયમોનો ભંગ નહિ કરું ત્યાં સુધી મને અહીં કોઈ ખતરો નથી. પરંતુ મને અહીંના નિયમો જ ખબર નથી આથી ઝેઉસ જે પણ સલાહ આપે છે તે હું માનું છું કારણ કે ઝેઉસ સિવાય હું અહીં કોઈને જાણતો નથી અને ઝેઉસ સિવાય મારી ભાષા અહી કોઈ સમજી શકે એમ નથી. ઝેઉસના કેહવા મુજબ હમણાં વિલ્ફી સૂર્યની ખુબ જ નજીક પરીક્રમણ કરી રહ્યો છે આથી અહીં ગરમી વધુ છે. ઝેઉસે મને આંખે બાંધવા એક પટ્ટી આપી છે જેથી સૂર્ય પ્રકાશ ની અસર ઓછી રહે અને હું અહીંની તમામ વસ્તુઓને જોઈ શકું. વિલ્ફીનું વાતાવરણનું દબાણ પૃથ્વી કરતા થોડું ઓછું છે જેથી મારા શરીરને નાની દોરીઓ વડે બાંધી રાખ્યું હોય એવો અનુભવ થાય છે અને એના કારણે જ મને શ્વાસ લેવામાં તકલીફ પડે છે પરંતુ ઝેઉસ પાસે એનો કોઈ ઉપાય નથી. અહીં પાણી તેમજ ઓક્ષીજન પુરતાં પ્રમાણમાં છે જેથી મને જીવિત રેહવામાં મુશ્કેલી નથી. વિલ્ફીના લોકો પાણી પીતાં નથી. ઝેઉસે મને પેહેરવા માટે એમનો કોટ આપ્યો છે અને એની લંબાઈ જોતા મને લાગે છે કે મને હવે પેન્ટની જરૂર નહિ પડે. આવતીકાલે ઝેઉસ મને અહીંથી એમની લેબમાં લઇ જશે. મને ખુશી છે કે કાલે મને અહીંની દુનિયા જોવા મળશે.

DAY 3

 હમણાં હું ઝેઉસ ની લેબમાં છું, ઝેઉસ આજે સવારે મને અહીં લઇને આવ્યા હતા. હું હંમેશાં કેહતો હતો કે ‘Life gives us experiences and we need to take lessons from them…’ આજે વિલ્ફીની દુનિયા જોઇને મને અનેક નવી બાબતો શીખવા મળી છે. તમને એ જાણીને આનંદ થશે કે ઝેઉસ મારા સારા મિત્ર બની ગયા છે અને તે મને અહીંના નિયમો તથા અહીંની જીવનશૈલી શીખવી રહ્યા છે.આજે સવારે હું ઝેઉસનો કોટ પહેરીને જેલની બહાર નીકળ્યો જેથી મને કોઈ ઓળખી ના શકે, ઝેઉસના કેહવા મુજબ અહીં રાજાનું શાસન ચાલે છે અને મારે રાજા તથા અન્ય લોકોની નજરથી બચીને રેહવું પડશે નહીતર મને ફરીથી આ જેલની અંદર રાખવામાં આવશે. જેલમાં રેહવાનું સહેલું નથી, મેં એકવીસ દિવસ જેલમાં રહી શકયો કારણ કે હું બેભાન હતો, હું ફરીથી ત્યાં જવા નથી માંગતો. આજે આખો દિવસ મેં ઝેઉસ સાથે વાતો કરી અને મને કેટલીક ખુબ જ સારી તો કેટલીક ખરાબ વાતો જાણવા મળી.

  સારી વાતો પેહલાં લખું તો, ઝેઉસના કેહવા મુજબ વિલ્ફીનો આકાર શિવલીંગ જેવો છે, ઉપર અને નીચેથી સંપૂર્ણ ગોળ. વિલ્ફી સૂર્ય ફરતે લંબગોળાકાર કક્ષામાં ભ્રમણ કરે છે, અને એની ઝડપ પૃથ્વીની ઝડપથી પાંચ ગણી વધુ છે જેથી પૃથ્વીનો એક દિવસ અહીંના છ દિવસ બરાબર થાય છે. હમણાં વિલ્ફી સુર્યની નજીક જઈ રહ્યો છે આથી દિવસે ગરમી વધી રહી છે. ઝેઉસે કહ્યું છે કે વિલ્ફીની ગોળાકાર સપાટી ઉપર તેમના માટે જીવન શક્ય નથી અને અહીનું ગુરુત્વાકર્ષણ બળ પૃથ્વીના ગુરુત્વાકર્ષણ બળ કરતા વધુ છે જેથી મને ચાલવામાં તકલીફ પડે છે, હું અહીં છ-સાત ફૂટ ચાલતા થાકી જાવ છે અને હું વૃદ્ધ થઇ ગયો હોય એવો મને એહસાસ થાય છે. પરંતુ હું હજી યુવાન છું, still young. વિલ્ફીના વાતાવરણમાં કોઈ સ્તરો કે જાડી હવા નથી આથી જ હું અવકાશમાંથી અહી ખેંચાય આવ્યો તે દરમિયાન સળગી ગયો નથી અને ખેતરોમાં પડવાના કારણે મને ઈજાઓ થઇ હતી જે ઝેઉસે પાછલા એકવીશ દિવસોમાં સારી કરવાની કોશિશ કરી છે. ગોળાકાર સપાટી પર જીવન શક્ય ના હોવાના કારણે વિલ્ફીના મધ્યભાગની સપાટી પર અહીંના લોકો વસવાટ કરે છે. અહીં આપણી પૃથ્વીના જેમ દેશો નથી, મને એ જાણીને ખુબજ ખુશી થઇ કે અહીંના લોકોએ વિલ્ફીના કોઈ ભાગ નથી પડ્યા, અહીં કોઈ ભારત કે કોઈ અમેરિકાનું નથી અહીં બધા વિલ્ફીના લોકો છે. બધા લોકોએ મળીને એક રાજા નો ચુનાવ કર્યો છે અને તેના મંત્રાલયમાં આઠ રાજકુમારો છે જે વિલ્ફીનું આઠ જગ્યાઓથી દેખરેખ રાખે છે. તમને એક મહત્વની વાત જણાવવાનું હું ભૂલી ગયો, અહીંના લોકો લગ્ન નથી કરતા અને સેક્સ પણ નહિ, ઝેઉસના કેહવા મુજબ દરેક વિલ્ફીવાશીનું આયુષ્ય અહીંના બાવન વર્ષ જેટલું હોય છે, અને દરેક વિલ્ફીવાશી બત્રીશ વર્ષ બાદ એક નવો કોષ ઉત્પન્ન કરી શકે છે અને તેને પોતાનું બાળક સમજે છે. ઝેઉસનું આ ત્રીસમું વર્ષ ચાલી રહ્યું છે આથી ઝેઉસ પણ બે વર્ષ બાદ એક નવો કોષ ઉત્પન્ન કરી શકશે. કોઈ પણ વિલ્ફીવાશીને એક કરતા વધુ કોષ ઉત્પન્ન કરવાની પરવાનગી નથી અને તને ખબર હશે કે અહીં કોઈ નિયમોનો ભંગ કરતુ નથી. ફક્ત વિલ્ફીવાસી દ્વારા નિર્મિત રાજા જ આઠ કોષ ઉત્પન્ન કરી શકે છે અને એ તેના આઠ રાજકુમારો છે. આ આઠ રાજકુમારોને અહીંના નિયમ મુજબ કોષ ઉત્પન્ન કરવાની પરવાનગી નથી આથી તેઓ વચ્ચે રાજા બનવામાં કોઈ હરીફાઈ નથી. રાજાનું મૃત્યુ થયા બાદ અહીંના લોકો નવા રાજાનો ચુનાવ કરે છે અને નવા રાજાના કોષો વિલ્ફીની દેખરેખ રાખવા યોગ્ય થાય એટલે જુના આઠ રાજકુમારો પોતાનું સ્થાન છોડી દે છે.

     આ બધા થી પણ વધુ મહત્વ ની વાત એ છે કે અહીં કોઈ પણ પ્રકારના પૈસા નું શાસન નથી. અહીંના લોકોને પોતાના કામ માટે પોઈન્ટ્સ મળે છે જેને અહી ‘જેદ્સ’ કેહવામાં આવે છે. અહી દરેક કામના સરખાં જેદ્સ મળે છે. એક દિવસના ચાલીશ જેદ્સ. તમને જાણીને આશ્ચર્ય થશે કે અહીંના રાજા તથા અહીંના મજૂરનું વેતન સરખું છે, એક દિવસના ચાલીસ જેદ્સ, જેમાંથી દસ જેદ્સ દરેક વિલ્ફીવાશીએ રાજાના ભંડારમાં જમા કરાવવા પડે છે જેનો ઉપયોગ વિલ્ફીની સમૃદ્ધિમાં તથા વિલ્ફીવાશીની દવાઓમાં થાય છે. બાકીના ત્રીસ જેદ્સ પોતાની ઈચ્છા અનુસાર ખર્ચ કરી શકાય છે. જેદ્સનો સંગ્રહ કરવો એ પણ અહીંના નિયમોની વિરુદ્ધ છે, દરેક વિલ્ફીવાશી પોતાની પાસે ચાર-સો થી વધુ જેદ્સ સંગર્હી શકતો નથી જેથી અહીંના દરેક જીવ પોત-પોતાનું કામ નિયમિત કરે છે, જો કોઈ વિલ્ફીવાસી પર ઓચિંતી તકલીફ આવી પડે તો રાજાના ભંડોળ માંથી એને સહાય મળે છે તથા અહીંના દવાખાનામાં એમની સેવા મફત થાય છે. જયારે કોઈ વિલ્ફીવાશી કામ કરવામાં અસમર્થ હોય ત્યારે તેની તમામ દેખભાળની જવાબદારી રાજાના રાજકુમારો પર હોય છે અને રાજકુમારોના કામની દેખરેખ રાજા રાખે છે. પરંતુ રાજાને આ દેખરેખ રાખવાના કોઈ જેદ્સ મળતા નથી, અહી રાજાએ પણ કામ કરવું પડે છે અને રોજના દસ જેદ્સ ભંડોળમાં જમા કરાવવા પડે છે. તમને જાણીને નવાઈ થશે કે અહીંના રાજા અહીંની બસ ચલાવે છે કારણકે એ એમનું મનગમતું કામ છે અને રાજાને બસ ચલાવવાના પણ ચાલીશ જ જેદ્સ મળે છે.

      અહીંના લોકોને તેમનું મનગમતું કામ કરવાની છૂટ છે, અથવા હું એવું કહું કે અહીંના લોકો પોતાનું મનગમતું કામ જ કરે છે એ પણ ખોટું નથી. અહીં કોઈ સ્કૂલ કે કોલેજની પદ્ધતિ નથી. પીતૃકોષ પોતાના બાળકને બે વર્ષ સુધી સાથે રાખી શકે છે ત્યારબાદ એમને પોતાનું સ્વતંત્ર જીવન જીવવા માટે છોડી મુકવામાં આવે છે અને મને લાગે છે કે બે વર્ષમાં બાળક બાર ફૂટ જેટલી લંબાઈનું થઇ જતું હશે. બે વર્ષ બાદ બાળક તેને જે કામ કરવું હોય તે કામ કરી શકે છે, ઝેઉસના કેહવા મુજબ બે વર્ષમાં એમનો સંપૂર્ણ વિકાસ થઇ જાય છે અને હમણાં ઝેઉસ સાથે બીજા ઘણા આવા બાળકો કામ કરી રહ્યા છે જેમને વિજ્ઞાનમાં રસ છે. ઝેઉસ તેમના લીડર છે અને ઝેઉસની ટીમ હમણાં વિલ્ફીવાશીઓના આયુષ્ય વધારવાના પ્રયોગો કરી રહી છે.

    અહીં કામના સરખાં જેદ્સ મળે છે આથી કોઈ અમીર થવાની લાલચ નથી કે કોઈને ગરીબ રહી જવાનો ડર નથી, કોઈની પાસે મોટા બંગલા નથી કે કોઈ ઝુપડીમાં રેહતું નથી. અહીંના લોકો સરખાં કપડાં પેહરે છે અને અહી કોઈ ઊંચનીચનો ભેદભાવ નથી, અહીં કોઈને સત્તાની લાલચ નથી અને કોઈ રાજનીતિ કરતુ નથી, અહીં કોઈના માટે આરક્ષણ પણ નથી. દરેક જીવ પોતાની ઈચ્છાનું કામ પસંદ કરે છે આથી કોઈ કામમાં રૂકાવટ આવતી નથી અને કોઈ કામમાં આળસ આવતી નથી. અહીં દરેકને પોતાની ઈચ્છાનું અને મનગમતું કામ કરવાની છુટ છે આથી અહીં કોઈ જેદ્સ કમાવાની લાલચમાં કામ કરતુ નથી અને દરેક પોતાના કામમાં આગળ છે. અહીં મજૂરો પણ એટલા જ ઉત્શાહથી કામ કરે છે જેટલા ઉત્શાહથી રાજા કામ કરે છે. સાચું કહું તો અહી કોઈ મજૂર નથી અને કોઈ માલિક નથી. વિલ્ફીની તમામ જમીન પર સૌનો સમાન અધિકાર છે, અહીં જમીનના ભાગ પાડવામાં આવતા નથી કે જમીનની વારસદારી કરવામાં આવતી નથી. કોઈ વસ્તુની લાલચ અને પૈસા માટે લે-વેચ અહીંના લોકો શીખ્યા નથી. ઝેઉસનો પીતૃકોષ કોટ બનાવવાનું કામ કરતો હતો જે થોડા વર્ષો અગાવ મૃત્યુ પામ્યો, હવે એ કામ બીજા વિલ્ફીવાશીઓ ચલાવી રહ્યા છે. અહીનું જીવનસ્તર પ્રથમ નજરે જોતા સરખું નથી લાગતું પરંતુ અહીનું શાશન પૃથ્વીથી સારું છે..

DAY 4

    ગઈકાલે તમને ઘણી વાતો કેહવાની રહી ગઈ હતી જે આજે લખી રહ્યો છું. આજે એ વાત જણાવતા મોડું નહિ કરું કે અહીં જીવો જુઠું નથી બોલતા, દરેક જીવ બીજાને સમાન માન આપે છે, અહીં રાજાને તથા સામાન્ય જીવને સમાન માન મળે છે. અહી કોઈ બીજાની ઈર્ષા નથી કરતુ કે કોઈ બીજાથી આગળ નીકળી જવાની હરીફાઈ નથી કરતુ. દરેક જીવ બીજાની મદદ કરે છે અને સાથે બેસીને તમામ ઉત્સવોની મઝા લે છે. વિલ્ફીવાશીઓ અનેક ઉત્સવોની ઉજવણી કરે છે અને પીતૃકોષના મૃત્યુને પણ અહીં ઉત્સવ તરીકે માનવમાં આવે છે. મને એ જાણીને વધુ ખુશી થઇ કે અહીં કોઈ પ્રકારની પરીક્ષા લેવામાં આવતી નથી, અને એનાથી પણ મહત્વની વાત એ છે કે અહીં કોઈએ નોકરી શોધવા માટે જવું પડતું નથી. દરેક વિલ્ફીવાશી બીજા પ્રત્યે વફાદાર છે અને અન્ય કોઈ પણ વિલ્ફીવાશીને હાનીકારક કામ કરવું એ અહીંના નિયમની વિરુદ્ધ છે.

    ઝેઉસ પણ બીજા વિલ્ફીવાશીઓ પ્રત્યે વફાદાર છે અને એ અહીંના નિયમ તોડી શકતો નથી. ગઈ કાલે જે ખરાબ બાબતો લખવાની બાકી રહી ગઈ હતી એ હું અહી લખી રહ્યો છું. ઝેઉસ વફાદાર છે અને એના કેહવા મુજબ મારે એની સાથે અહીંના રાજા સામે હાજર થવું પડશે. ઝેઉસ રાજાને તમામ વાતો જણાવવામા માંગે છે અને પછી રાજા નક્કી કરશે કે મને ફરીથી જેલમાં મુકવો કે ઝેઉસ સાથે રેહવા દેવો. પરંતુ ઝેઉસને વિશ્વાસ છે કે રાજા મને એની સાથે રેહવા દેશે. આજે ઝેઉસે મારું ચેક-અપ કર્યું હતું. સુર્યપ્રકાશના કારણે મારા શરીરમાં પાણી ઝડપથી સમાપ્ત થઇ રહ્યું છે, જેની સામે હું અહીનું પાણી લઇ રહ્યો છું પરંતુ ઝેઉસના કેહવા મુજબ અહીનું પાણી એસીડીક વૃતિ ધરાવે છે જે મારા શરીરના અંગોનો નાશ કરી રહ્યું છે. જો હું આ જ પાણી પીતો રહ્યો તો અહીંના ત્રણ મહિનામાં મારા શરીરના તમામ અંગો નાશ પામશે અને હું મૃત્યુ પામીશ. ઝેઉસે મારા ખાવાની વ્યવસ્થા કરી છે પરંતુ એ મારા માટે એસીડીક વૃતિ વિનાનું પાણી શોધવામાં અસફળ રહ્યા છે. મેં ઝેઉસને કહ્યું છે કે મારે મરવું નથી.

DAY 5

   આજે ઝેઉસ મને અહીંના રાજા પાસે લઇ ગયા હતા, તમને જાણીને આનંદ થશે કે રાજાએ મને ઝેઉસ સાથે રેહવાની પરવાનગી આપી છે પરંતુ બે શરતો સાથે, એક એ કે વિલ્ફીવાસીઓને મારાથી કોઈ ખતરો નહિ હોય અને હું અહીંના તમામ નિયમોનું પાલન કરીશ. બીજી શરત એ કે મારે અહીં કામ કરવું પડશે અને રોજના દસ જેદ્સ જમા કરાવવા પડશે. આજે હું અહી વિલ્ફી પર આઝાદ છું તો ફક્ત ઝેઉસના કારણે. મેં નક્કી કર્યું છે કે હું ઝેઉસ સાથે એમની લેબોરેટરીમાં કામ કરીશ.

  આજે રાજા પાસે જવાની સાથે મેં ઘણાં અવલોકનો કર્યા. અહીંની માટી લાલ રંગની છે અને આજ કારણે તમામ વિલ્ફીવાશીઓની ચામડીનો રંગ પણ ઉમર વધતાની સાથે લાલ થતો જાય છે. અહી વ્રુક્ષો નથી અને ઘાસ ખુબ જ ઊંચું તથા ગાદીજેવું સ્તર બનાવીને ખેતરમાં ઉગે છે આથી જ આટલી ઉંચાઈએથી પડવા છતાં મારો જીવ બચી ગયો. અહીંના રસ્તાઓ લાલ રંગના છે તથા અહી કોઈ વાતાવરણને હાનીકારક વસ્તુ કે પદાર્થનો ઉપયોગ થતી નથી. અહીં કોઈ વિલ્ફીને પ્રદુષિત કરતુ નથી આથી જ અહી કોઈ પણ પ્રકારનું ‘સ્વચ્છતા અભિયાન’ ચલાવવાની જરૂર પડતી નથી. અહીં બધા સૌર-ઉર્જાનો ઉપયોગ કરે છે અને અહીંના વાહનો પણ સૌર-ઉર્જાથી ચાલે છે. અહીંની બસ એક સાથે સાતસો લોકોને લઇ જઈ શકે છે, અહીંના લોકો ઇકો-ફ્રેન્ડલી વસ્તુઓ વાપરે છે આથી અહીંની હવામાં પ્રદૂષણનો અંશ પણ નથી. મેં આગળ લખ્યું તે મુજબ અહીંની વાતાવરણની સપાટીને કોઈ સ્તર નથી આથી સૌર-ઉર્જાનું પારાવર્તન થવાને બદલે મોટા ભાગની ઉર્જા વિલ્ફીની સપાટી પર પડે છે અને વિલ્ફીવાશીઓ તેનો ભરપુર ઉપયોગ કરે છે. ઝેઉસ ના જણાવ્યા મુજબ અહીંથી સૌર-ઉર્જા તથા સૂર્યના કિરણો પરાવર્તિત થતા નથી આથી આપણે મનુષ્યો આજ સુધી વિલ્ફીને શોધવામાં અસમર્થ રહ્યા છીએ અને વિલ્ફીને અવકાશમાંથી જોઈ શકવો મુશ્કેલ છે.

DAY 8

  અહીંના લોકો પાસેથી આપણે ઘણું શીખવા જેવું છે, અહી બંદુક નથી અને નથી કોઈ અણુ-શાસ્ત્રોનો ભય. હું એમ માનતો હતો કે મારા પાસે જો કોઈ શક્તિ છે તો એ પ્રેમ ની શક્તિ છે પરંતુ અહી આવીને મને એહસાસ થયો કે મારે હજી ઘણો પ્રેમ કરવાનો બાકી છે, હું અહીં પ્રેમ કરતા પણ શીખ્યો છું અને એ પણ ખબર પડી છે કે પ્રેમ કરવા માટે કોઈ લગ્ન કે કોઈ ઓળખાણ ની જરૂર નથી. મારું શરીર ધીમે ધીમે નબળું પડી રહ્યું છે અને આ જ કારણે ઝેઉસે રાજાને કહ્યું છે, મને અહીંથી પાછો અવકાશમાં મોકલી દેવામાં આવે, પરંતુ ઝેઉસ પાસે એટલા શક્તિશાળી ઉપકરણો નથી કે તે મને સીધા ત્યાંથી પૃથ્વી પર મોકલી શકે, કદાચ એમને આજ સુધી એની જરૂર જ પડી નહિ હોય. ઝેઉસ પર મને વિશ્વાસ છે, મને એ અહી મરવા નહિ દે, તે જરૂરથી કોઈ ઉપાય શોધશે.

   હું હમણાં લેબમાં કામ કરું છું જે અહીંના લોકોનું આયુષ્ય વધારવાની દવા બનાવી રહ્યું છે, ગઈ કાલે એક પીતૃકોષને મૃત્યુ પામતા જોઈ મને ખબર પડી કે અહીંના લોકોના મોત નું કારણ શું છે. વિલ્ફી પર રેડિયો-એક્ટીવ તત્વોનું પ્રમાણ ખુબજ વધારે છે અને વિલ્ફીવાશીઓને એના વિશે કઈ પણ ખબર નથી. અહીંના દરેક લોકો કેન્સરથી પીડાયને મરી રહ્યા છે, અહીંના લોકોના લાંબા કોટનું કારણ આજે મને ખબર પડી, અહીંના લોકોએ કોટની શોધ કરી નાખી પરંતુ રડિયો-એક્ટીવ તત્વોથી બચવાના ઉપાયો અહીંના લોકો જાણતા નથી. મેં ઝેઉસને આ વિશે વાત કરી, ત્યારે ઝેઉસના મુખ પર એક અનેરું સ્મિત હતું. મારી વાત સાંભળીને એને મારી વાત પર વિશ્વાસ થયો છે અને ખુશ થઇ એણે મને વિશ્વાસ આપ્યો છે કે એ મને તારી પાસે ચોક્કસપણે મોકલશે. મેં પણ ઝેઉસને કહ્યું છે કે પૃથ્વી પર શોધાયેલા તમામ રેડિઓ-એક્ટીવ તત્વો વિશે હું એમને માહિતી આપીશ. NASA માં મે અન્ય ગ્રહો પરના વાતાવરણનો પણ અભ્યાસ કર્યો છે ત્યારે મને રેડિઓ-એક્ટીવ તત્વો વિષે પણ શીખવવામાં આવ્યું હતું. હું ઝેઉસની લેબ માં કામ કરીને સારા જેદ્સ કમાઈ રહ્યો છું કારણકે હું અહીંના ત્રણ દિવસ સુધી દિવસ-રાત કામ કરી શકું છું, એટલે કે પૃથ્વીના બાર કલાક. મને હજી પણ ખબર નથી કે હું તમારી પાસે કઈ રીતે પોંહચીસ પરંતુ આવતા પેહલાં હું અહીંના લોકો માટે કેન્સરનું કારણ શોધી કાઢવા માંગું છું. મારું શરીર દિવસે ને દિવસે વધુ પાણી માંગી રહ્યું છે અને તેમ તેમ હું વધુ નબળો બની રહ્યો છું, કદાચ રેડિયો-એક્ટીવ તત્વોની અસર મારા પર પણ થઇ રહી હશે. પરંતુ હું જલ્દીથી આવીશ.

DAY 12

  આજે ઝેઉસ મને પૃથ્વી પર પાછા જવાનો એક ઉપાય સમજાવી રહ્યા હતા, તેમના કેહવા મુજબ તેમને વિલ્ફી છોડીને અવકાશમાં જવાની તથા કોઈ પણ વસ્તુ અવકાશમાં મોકલવાની પરવાનગી નથી આથી મારે પૃથ્વી પર આવવું પડશે એ પણ કોઈ સાધન કે અવકાશયાન વિના. આજે તારી સાથે સાથે મને મારા અવકાશયાનની પણ ખુબજ યાદ આવી રહી છે, મને ખબર નહિ એ ક્યાં હશે!

   મેં ઝેઉસને સમજાવ્યું છે કે હું વિલ્ફીથી સીધો પૃથ્વી પર નહિ જઈ શકું, અવકાશમાં મને યોગ્ય દિશા નહિ મળે તો હું દુર-દુર સુધી બળની દિશામાં ફેંકાઈ જઈશ અને જીવિત નહિ બચું. પરંતુ ઝેઉસને મને કહ્યું છે કે આવતા છ દિવસોમાં વિલ્ફી પૃથ્વીની સૌથી નજીક હશે અને તેઓ મને એટલો ધક્કો આપી શકે છે કે જેથી હું પૃથ્વીના વાતાવરણમાં આવી શકું. પરંતુ આ પણ મોત ને ભેટવાનો એક રસ્તો જ છે, કારણ કે વાતાવરણના ઘર્ષણના કારણે હું સળગી જઈશ. મેં આ વાતની જાણ ઝેઉસને કરી ત્યારે એમણે કહ્યું કે તેઓ મને એક પેરાશુટ આપશે જેના પર વાતાવરણની કોઈ અસર નહિ થાય અને હું પૃથ્વીના ધર્ષણથી બચી જમીન પર ઉતરી શકીશ, ઝેઉસ મને એ નહિ જણાવી શક્યા કે હું પૃથ્વી પર કયા દેશમાં ઉતરીશ કારણકે એમને એ નથી ખબર કે મનુષ્યોએ પૃથ્વીને અલગ અલગ દેશોમાં વેહ્ચી નાખી છે.

   અહીંના લોકો દરરોજ મને જોવા આવે છે કારણકે એમના માટે હું એક એલિયન છું, તેઓ કોઈ મને હાની નથી પોહચાડી રહ્યા કે કોઈ મારી સાથે ફોટો પડાવવાની કોશિશ નથી કરી રહ્યા, અહીંના લોકો મોબાઇલ વિશે જાણતા નથી, કદાચ એમની યાદોમાં જ એ લોકોએ મને ક્લિક કરી લીધો હશે. ઝેઉસ આજે થોડા ચિંતામાં છે કારણકે એમને ડર છે કે વિલ્ફીના ગુરુત્વાકર્ષણના કારણે હું પાછો વિલ્ફી પર જ તો નહિ પડું ને!

    મારે અહીંથી જતા પેહલાં રાજાને મળવું પડશે અને એમને વચન આપવું પડશે કે હું વિલ્ફી વિશે પૃથ્વી પર કોઈને નહિ જણાવું, આથી જ છેલ્લા કેટલાય દિવસોથી હું ગુજરાતીમાં લખી રહ્યો છું જેથી આ લખાણ NASA ના માણસો નહિ વાંચી શકે અને આ બુકનું શીર્ષક મેં A letter to my love’ આપ્યું છે જેથી આ મારી પર્સનલ વાતો સમજીને કોઈ વાંચવાની હિંમત નહિ કરે પરંતુ હું અહીંના તમામ અનુભવો તમને જણાવવા માંગું છું.

DAY 14

  આજે મેં રાજા સાથે મુલાકાત કરી અને એમને વચન આપ્યું કે હું વિલ્ફી વિશે કોઈને જણાવીશ નહિ, કદાચ રાજાએ પણ મારા સારા વર્તનના કારણે મારો વિશ્વાસ કરી લીધો અને હું એમનો વિશ્વાસ તોડવા માંગતો નથી. એમણે મને એમની ભાષામાં ‘થેંક્સ’ કહ્યું પરંતુ હું એમની ભાષા સમજી શક્યો નહિ. રાજાએ મને વિશ્વાસ આપ્યો છે કે પૃથ્વીવાશીને વિલ્ફીથી કોઈ હાની નહિ પોહ્ચે પરંતુ હું એવો વિશ્વાસ એમને આપી શક્યો નહિ કારણકે મને મારા જ સાથીદારો તથા મનુષ્યો પર વિશ્વાસ નથી. મેં ઝેઉસને કહ્યું છે કે તેઓ પૃથ્વી પર આવવાની ભૂલ ના કરે, કારણકે એમને અહીંથી ધક્કો મારવા માટે કોઈ મળશે નહિ.

  ઝેઉસના પ્રશ્નનો ઉપાય આપતા મને કહ્યું કે તેઓ વિલ્ફી ફરતે એક એવો લંબગોળ બનાવી શકે છે જ્યાં વિલ્ફીનું ગુરુત્વાકર્ષણ બળ તથા અવકાશનું આકર્ષણ બળ સમાન હોય. એ લંબગોળ ખુબ જ ઓછી જગ્યા માંથી પસાર થશે અને મારે યોગ્ય સમતોલન જાળવવું પડશે નહીતર હું પાછો વિલ્ફી પર પડીશ અથવા અવકાશમાં દુર દુર સુધી ફેંકાઈ જઈશ. આ ઉપાય યોગ્ય લાગતો નથી પરંતુ અન્ય કોઈ ઉપાય હું શોધી શક્યો નથી, અહી વિલ્ફી પર થોડા  દિવસોમાં મારું મોત થઇ જશે એના કરતા આ ઉપાયને અજમાવી જોવામાં મને યોગ્યતા લાગે છે.

   ઝેઉસ મને વિલ્ફીની સપાટી ઉપર એ જગ્યાએ પોંહચાડશે જ્યાં વિલ્ફીનું ગુરુત્વાકર્ષણ બળ તેમજ અવકાશનું આકર્ષણ બળ સમાન હોય અને જયારે વિલ્ફી પૃથ્વીની એક્દમ નજીક હોય ત્યારે ઝેઉસ મને પૃથ્વીની દિશામાં ધક્કો આપશે જેથી હું પૃથ્વીના વાતાવરણમાં પ્રવેશી શકીશ. પરંતુ બે મુશ્કેલીઓ છે, એક તો મારે એ લંબગોળ પર સમતોલન સાચવવું પડશે તથા ધક્કો યોગ્ય દિશામાં એટલો બળ પૂર્વક હોવો જોઈએ જે મને પૃથ્વીના વાતાવરણમાં ફેંકી દે. ઝેઉસના કેહવા મુજબ એમને મને ધક્કો મારવા માટે ફક્ત ત્રણ મિનીટ મળશે જયારે વિલ્ફી પૃથ્વીની સૌથી નજીક હોય કારણ કે વિલ્ફીની ઝડપ બહુ છે. મને આશા છે કે હવે તમે ગણી લેશો કે વિલ્ફીની ત્રણ મિનીટ એટલે પૃથ્વીની કેટલી સેકન્ડ. ઝેઉસને વિશ્વાસ છે કે એમનો આ ઉપાય કામ કરશે અને હું પાછો આવી શકીશ, અને મને ઝેઉસ પર વિશ્વાસ છે.

     વિલ્ફી પર ઘણું શીખવાનું મને મળ્યું છે, મેં ઝેઉસને રેડિઓ-એક્ટીવ તત્વો વિશે તમામ માહિતી આપી છે જેથી તેઓ લાંબુ જીવન જીવી શકાય.સામાન્ય રીતે હું આ ગ્રહને Earth 2.0કેહવા માંગતો હતો પરંતુ હું વિલ્ફીને Earth 0.0 કહીશ કારણકે તેઓ આપણાથી સારી રીતે એમના ગ્રહને સાચવી રહ્યા છે. હું અહીંથી ફૂલ લાવવા માંગતો હતો પરંતુ એ અહીંના નિયમોની વિરૂદ્ધ છે અને ફૂલ ની સાઈઝ પણ મોટી છે. હવે કદાચ આંખ પૃથ્વી પર જ ખુલશે અને નહિ ખુલે તો યાદ રાખજો કે I am coming.


This story is written by Rahul Thakor. All rights reserved by Rahul.

After reading story, I couldn’t resist myself from publishing it here!


For any More information Please Contact Me

To know more About Me!


એપ ડાઉનલોડ કરો બીજા ધમાકેદાર લેખો માટે


બીજા ધાણા આર્ટિકલ હાજી આવી રહ્યા છે. આ મારા ફેસબુક પેજ (અહીં ક્લિક કરો) ને લાઈક કરો અને બીજા આર્ટિકલ ના ન્યૂઝ તમને મળતાં રહેશે.



Thanks!


Don’t forget to Like, Share, Comment !

બે જિંદગીઓ આજે પણ તેમને એટલી જ યાદ કરે છે…

જીવનમાંથી આપણી પાસેથી પસાર થયેલા કેટલાક ચહેરાઓ શું ભૂલી શકાય છે? કદાચ ના…ને કદાચ હા… કારણ કે સમય સાથે સ્મૃતિમાં રહેલાં તે ચહેરાની આકૃતિ ઝાંખી પડતી જાય છે; પણ તે ચહેરાઓનો અહેસાસ ક્યારેય દૂર જતો નથી. મારી સાથે પણ કંઈક એવું જ બનેલું. તે મોડી સવારની વાત પણ કંઈક અલગ જ હતી…

મારી સામેથી એક માણસ લોહીલુહાણ થઈ, ચીસો પાડતો દોડી રહ્યો હતો, ને હું સ્તબ્ધ થઈ તેને રસ્તાની કોરેથી જોઈ રહી હતી. પળ –બે પળ વીતી ત્યાં પાછળથી આવતાં કોલાહલે મારૂ ધ્યાન તે અવાજની દિશા તરફ ખેંચાયું. એક ટોળું તલવાર, ધારિયા અને પાઇપ સાથે દોડી રહ્યું કદાચ કદાચ તેઓ તે જ માણસની પાછળ દોડી રહ્યાં હતાં જેને મે થોડીવાર પહેલાં લોહીથી ખરડાયેલો જોયો હતો…પણ હું…હું હજી યે સ્તબ્ધ જ હતી. તે સ્તબ્ધતા ની વચ્ચે મુખ્ય વાત એ હતી કે હું એકલી ન હતી, મારી સાથે હતો મારો સાડા ત્રણ વર્ષનો દીકરો બિટ્ટુ.

૧૯૯૩…ની એ મોડી સવાર…

શહેરમાં સન્નાટો છવાઈ ગયો હતો, મુંબઈનાં મુખ્ય સબબનો (ચર્ચગેટ, મરીનડ્રાઈવ વગેરે) ડર સાઈડ સબબમાં (ઘાટકોપર, પરેલ, થાણા વગેરે) પણ ડોકિયું તાણી રહ્યો હતો, તેથી ચાલતા જનારા લોકોની સંખ્યા નહીંવત્ હતી. રસ્તા પરથી એકલ દોકલ રિક્ષા બસ એમ જ દોડી રહી હતી ને મહાકાય બસ ક્યાંક કોઈ ડેપોમાં ટૂંટિયુંવાળીને બેસી ગઈ હતી. પણ મુંબઈનાં બીજા સબબની સરખામણીમાં વિક્રોલી સબબ થોડું વધુ જીવંત હતું. અહીં માણસોની અવર જવર ચાલું હતી. વિક્રોલી વેસ્ટમાં રહેલી ગોદરેજ કંપનીનાં ગેઇટ વારંવાર ખોલબંધ થયાં કરતાં હતાં.

એ થોડીઘણી ચહેલપહેલ તો મુખ્ય રસ્તા પર હતી, પણ તે દિવસે કોલોની મુખ્ય મુંબઈમાં થયેલાં તે બોમ્બિંગને કારણે શાંત હતી. કોલોની…ગોદરેજ કોલોની…વિક્રોલી વેસ્ટમાં ગોદરેજ કોલોની આવી હતી, જ્યાં હું રહેતી હતી હતી. આમ તો વિક્રોલીનું પરુ મુંબઈનું એક સબબ જ ગણાય છે, પણ આ કોલોનીની  અંદરનો ભાગ જોતાં જાણે કોઈ હિલસ્ટેશનમાં રહેતાં હોવાનો ભાસ થતો હતો. આજુબાજુ ખૂબ ગ્રીનરી,ઊંચા વૃક્ષો, ને ઉપર ને ઉપર ચડતી જતી કેડી. અહીં ગોદરેજમાં કામ કરનારા રહેતાં હતાં. કોલોનીનાં મુખ્ય દ્વારે હંમેશા ચેકિંગ થતું રહેતું તેથી બહારનાં લોકો, ફેરિયાઑ કોલોનીમાં આવી શકતાં ન હતાં. તેથી અંદરનું વાતાવરણ સલામત હતું…પણ બહાર શું થાય છે તેની જાણ વિશેષ ન હતી. તે દિવસે જ્યારે બોમ્બિંગનાં અવાજોથી મુંબઈ ધણહણી ઉઠ્યું ત્યારે સાંજ પડી ગઈ…ને અમે ટ્રેનમાં હતાં તેથી વધુ ખબર ન રહી. બીજે દિવસે જ્યારે અમે મુંબઈ પહોંચ્યાં ત્યારે વાતાવરણ બદલાઈ ચૂક્યું હતું.

અમે ઘરે પહોંચ્યાં પછી મલકાણ કહે ઓફિસ સામે જ છે કેવળ રસ્તો ક્રોસ કરવાનો છે, તું ચિંતા ન કર કહી તૈયાર થઈ ઓફિસે નીકળી પડ્યાં. પણ મારા મન ને શાંતિ ન હતી તેથી હું પણ બિટ્ટુ સાથે ગેઇટ સુધી જવા નીકળી પડી. તેઓ રસ્તો ક્રોસ કરી કંપનીનાં ગેઇટની અંદર દાખલ થયાં પછી હું મારા ઘેર પાછી ફરી. તે દિવસે પાડોશીઑ પાસેથી થોડું દૂધ અને થોડીઘણી ગ્રોસરી લઈ ઘર ચાલાવ્યું. પણ બીજા પાસેથી ક્યાં સુધી માંગવુ? તેથી વિચાર કર્યો કે આવતીકાલે સવારે જ સ્ટેશન જઈ થોડીઘણી ગ્રોસરી લઈ આવીશ જેથી કરીને બાળક સાથે સારું પડે.

બીજા દિવસની સવારે પણ વાતાવરણ હજુ યે થોડું ભારે જ હતું, પણ કોલોની હજુ યે શાંત હતી. આજે તે દિવસને યાદ કરું છુ ત્યારે લાગે છે કે તે દિવસે મારે ઘરમાં જ રહેવાની જરૂર હતી કારણ કે મોટાભાગનાં લોકો ઘરમાં હતાં. પણ હું તે દિવસે ઘરમાં ન હતી. મારે સમયને ઓળખવાની જરૂર હતી, પણ તે દિવસે મલકાણનાં ઓફિસ ગયાં બાદબિટ્ટુ સાથે સ્ટેશન જવા નીકળી ગઈ. કોલોનીથી સ્ટેશન જવા સુધી મને એકપણ રિક્ષા કે બસ ન જોવા મળી જેથી કરીને હું ચાલતી ચાલતી સ્ટેશન ગઈ.સ્ટેશનનો ટર્ન લઇને આજુબાજુ જોતાં જોતાં હું આગળ વધી રહી હતી. મારી નજર કેવળ કોઈ ગ્રોસરી સ્ટોર ખુલ્લો છે કે નહીં તે જોવામાં મગ્ન હતી. ત્યાં જ મારી નજર અમુક ગ્રોસરી સ્ટોર પર પડી જે ખુલ્લા હોઈ થોડી શાંતિ લાગી અને હું તે સ્ટોરતરફ હજુ હું ચાલી જ રહી હતી ત્યાંજ ઉપરોક્ત માણસ મારી આંખ પાસેથી ધડધડાટ કરતો પસાર થઈ ગયો. જેને કારણે આજુબાજુ નાસભાગ થવા લાગી. થોડી જ પળોમાં રસ્તામાં માણસો તીતરબીતર થઈ સંતાઈ ગયાં, આખોયે રસ્તો અચાનક સૂમસાન થઈ ગયો ને દુકાનોનાં શટર ધડાધડ પડવા લાગ્યાં.

હું સ્પર્શી શકું તેટલી નજીકથી પસાર થયેલાં તે માણસની સ્થિતિ જોઈ હું ડરી ગઈ હતી, ને એમાં યે પાછળથી આવેલ તે ટોળાંએ મને પૂતળું બનાવી નાખી હતી. મારી આંખ આગળથી દોડી ગયેલ તે માણસ ઘવાયેલી હાલતમાં વધુ દોડી ન શક્યો. તેની પાછળ પડેલ તે ટોળાંએ તેને થોડી જ ક્ષણોમાં આંતરી લીધો ને તેની ઉપર તલવાર, પાઇપ સાથે તૂટી પડ્યાં હતાં. આ બિહામણું દૃશ્ય મારી સામેજ ભજવાઈ રહ્યું હતું તેમ છતાં યે હું ત્યાંથી ભાગી જવાને બદલે હજીયે ત્યાંજ સ્તબ્ધ બની ઊભી હતી.તે માણસની મરણચીસો મારા કાનમાં ગુંજી રહી હતી,આંખ સામે તેનાં હાથ-પગ તરફડિયાં મારી રહ્યા, રસ્તો લોહીથી નહાઈ રહ્યો હતો,ક્યાંકથી કોઈક છૂપી નજર આ રાક્ષસી કૃત્યને જોઈ રહ્યા હતાં,પણ બધાં જ મારી જેમ સ્તબ્ધ હતાં તેથી એકાદ પક્ષીનાં અવાજ (રૂદન) સિવાય ત્યાં કોઈ અવાજ ન હતો. આ અમાનવીય કૃત્ય બદલ તે ટોળાને પરવા ન હતી તેથી તેમનાં મુખમાંથીપાગલપનયુક્ત હર્ષોલ્લાસ ભર્યા ઉદ્ગારો નીકળી રહ્યાં હતાં. અચાનક તે ટોળાંમાંથી કોઈકનો સ્વર નીકળી પડ્યો…અરે અભી તો સાલે એક કો હી ખતમ કીયા હૈ…અગર દૂસરા હોતા તો ઔર મઝા આ જાતા… અબે દૂસરા નહીં તો દૂસરી તો હૈ વોહ ભી બચ્ચે કે સાથ ચાલો આજ ઉસકી ભી… કર ડાલતે હૈ ફિર સાલી કુછ બોલેગી હી નહીં… આજે હું જાણું છું કે તે દિવસે ટોળાંમાં થયેલી આ વાતચીત મારે માટે હતી. બસ હવે થોડી જ પળો હતી…કારણ કેતે ટોળુ પાછળ રહેલી તે ઔરતની તરફ ફરે એટલી જ વાર હતી પણ કહે છે ને કે રામ રાખે તેને કોણ ચાખે? પણ રામની એ લીલા હજુ મને સમજવામાં વાર લાગે તેમ હતી. ને હું  એટ્લે કે મારી તેથી હજુ ક્યાંજાઉં તે વિષે વિચારું કે પગલું લઉં તે પહેલાં તો મારી પાછળથી ચાર હાથ લાંબા થયાં, જેમાંથી એક હાથે મારું મોઢું દાબી દીધું ને બીજાએ બિટ્ટુનું મોઢું દાબી તેને ઉઠાવી લીધો. અચાનક આવેલી આ સ્થિતિ એ મારા હોશ ઉડાવી દીધા હુંમારા દીકરાને બચાવવા માટે હું ઝાંયા નાખવા લાગી ( પ્રયત્ન કરવા લાગી ), પણ મારી પાછળથી આવેલા એ હાથ ખૂબ મજબૂત હતાં…તેણે મારો બીજો હાથ પકડી લીધો ને મને અને મારા દીકરાને…આ પરિસ્થિતીથી સખત ડરી ગયેલી એવી હું લગભગ બેભાન થવાની અણી પર જ હતીપણ…બે પળમાં અમે ખેંચાયા અને ત્રીજી પળનાં ધક્કાએ અમને દુકાનની અંદર ધકેલ્યાં…પછી પોતે ય દુકાનમાં આવી ગયાં અને નજીવા અવાજ સાથે દુકાનનું શટર પાડી દીધું.

એક મિનિટ એ હતી જ્યાં કોઈ મને મારવાની વાત કરી રહ્યું હતું, બીજી મિનિટ એ હતી જ્યાં અમે કોઈના હાથમાં અને ત્રીજી મિનિટ એ હતી કે અમે દુકાનની અંદર બંધ હતાં…ટૂંકમાં કહું તો થોડા સમયમાં જ થયેલ આ પરિસ્થિતીને કારણે મારી આંખ પાસે અંધારું છવાવા લાગ્યું હતું,શરીર ગારા જેવુ થવા લાગ્યું હતું. પણ મને મારો દીકરો પાછો જોઈતો હતો તેથી મારા દીકરાને લેવા માટે હાથ લાંબો કર્યો, તે સાથે બીજા અજાણ્યાં બે હાથે મારા હાથમાં મારા દીકરાને સોંપી દીધો, પણ નીચે બેસી મારા મો પાસે આવી ચૂપ રહેવાં ઈશારો કર્યો. પછી બંને જણાં ફરી દુકાનનું શટર થોડું ઊંચું કરી જમીન પર લાંબા થઈ જોવાં લાગ્યાં; ત્યારેબહાર થતાં તે ટોળાંનાં અવાજનાં પડઘા મારા કાને આવી પાછા ફરી રહ્યાં હતાં.

એ બે તું તો કહે રહા થા કી યહાં કોઈ ઔરત હૈ કીધર હૈ ? કોઈ નહીં હૈ યહાં પર…

પર અભી તો યહી ચ દેખા થા… ભાગ ગઈ હોગી… પતા નહીં મેરે કો…દેખના ઇધર ચ હોગી…

બીભત્સ વિકરાળ હાસ્ય…ને સ્વર

અબ બતા ક્યા કરના હૈ યહી ચ રહેના હૈ કી જાના હૈ?

યહાં રહે કે ક્યા કરના હૈ ચલો ઈસ્ટ મેં જાયે…ને થોડીવારમાં એ ટોળું વિખેરાઈ ગયું.

ટોળાંનાં  વિખેરાયા બાદ તે ઊભો થયો, ને મને કહે …મૈડમ આપકા દિમાગ ખરાબ હુઆ હૈ ઇતને સે માસૂમ બચ્ચે કે સાથ ઘર સે કાય કો નિકલી? અક્કલ નહીં ચલાની આતી ?ક્યા સોચ કે બહાર નિકલી થી ? તેરે ઘરવાલે ને તેરે કુ નાં ય નહીં બોલા?

તેનાં સવાલ અનેક હતાં પણ હું ચૂપ હતી…કેવળ ચૂપ…કારણ કે હજીયે થોડીવાર પહેલાં ખેલાયેલું બિહામણું દૃશ્ય મારી આંખ સામે તાંડવ બની નાચી રહ્યું હતું.

સવાલ પૂછનારની પાછળ રહેલ તે વ્યક્તિ આગળ આવ્યો અને મને સવાલ પૂછનારનાં ખભે હાથ મૂકી તેને પાછળ કર્યો ને પછી મારી પાસે બેસી બોલ્યો…શાયદ કુછ જરૂરત હોગા ઇસી લિયે આયી હોગી; હૈ ના ! પર આપકો બચ્ચે કો ઘર છોડ કે નિકલના ચાહીએ થાના. દેખો આપ કે સાથ બચ્ચા ભી ડેંજર મેં ફસ ગયાના ઇસી લીયે કહા; કહી તે ઊભો થયો અને ખૂણામાં પડેલા માટલાંમાથી પાણી ભરીને લાવ્યો. મારી સામે પાણીનો ગ્લાસ ધરીને બોલ્યો મૈડમ થોડી દેર બૈઠો, બહાર થોડીદેર બાદ ઠીક હો જાયેગા ઉસકે બાદ મૈ હી આપકો ઘર છોડ દૈગાતે બોલ્યો.

જ્યારે વાતાવરણ શાંત થવા લાગ્યું હતું,પોલીસની સાઇરન બહાર સંભળાવા લાગી,ત્યારે તેણે દુકાન ખોલી. આજુબાજુની દુકાનોનાં શટર પણ અડધા ખૂલ્યાં…તે જોઈ તે બોલ્યો…મૈડમ આપકો ક્યા ક્યા ચહીયે વો કહિયે મૈ લે આતા હું…પછી એ દુકાનની બહાર નીકળ્યો અને સામે રહેલાં કોન્સ્ટેબલ સામે જઈ કહે સાબ સબ ઠીક હૈ ? હમ બાહર નિકલ શકતેં હૈ? જ્યારે કોન્સ્ટેબલની હા આવી પછી એ સામે રહેલાં અધખુલ્લા ગ્રોસરી સ્ટોરમાં ગયો અને મારી ગ્રોસરી લઈને આવ્યો.

લગભગ દોઢ –બે કલાકને અંતે તે મને કોલોનીનાં દરવાજા સુધી મૂકી ગયો, કારણ કે દરવાજાની અંદર આવવાની એને રજા ન હતી.

આ ઘટના પછી થોડો સમય મને મનથી ઠીક થવામાં થોડો સમય લાગ્યો, કારણ કે મારી આંખ સામે થયેલા ખૂનને કારણે હું ઘણી પરેશાન હતી. ( આ ઘટના ભલે જૂની થઈ ગઈ હોય પણ તેની અસર આજે ય છે. આજે ય હું લોહી જોઈ શકતી નથી. મારી આજુબાજુ રહેલ કોઈ વ્યક્તિને વાગી જાય છે ત્યારે હું આજુબાજુ રહેલ વ્યક્તિને સોંપી ત્યાંથી ભાગી જાઉં છું. ઉપરોક્ત બાબતમાં મારા બચ્ચાઓ પણ શામિલ છે. બચ્ચાઓને જ્યારે લાગી જતું ને લોહી નીકળતું ત્યારે મલકાણ તેમને સંભાળતાં. )સ્ટેશન આવતાં જતાંહું કવચિત તેમને મળવા જતી, ત્યારે તે મારા દીકરાનાં માથા પર હાથ ફેરવતાં કહેતાં…ક્યાં છોટે રાજા ઠીક હો ના…સ્કૂલ બૂલ જાતા હૈ કી નહીં? દેખો સ્કૂલ જાને કા…ઔર હાં…ખૂબ પઢાઈ કરને કા…

વ્યથિત કરી દેનારી ઘટનાને હવે ઘણાં વર્ષો વીતી ગયાં છે; પણ તેમ છતાં યે એ દિવસ મનમાંથી ગયો નથી તેથી જ્યારે જ્યારે આ પ્રસંગનો ઉલ્લેખ થાય છે ત્યારે મને જીવનદાન આપનાર તે બંને માણસનો મનથી આભાર માની લઉં છું…હા અગાઉ કહ્યું તેમ તેમનાં ચહેરાઓની સ્મૃતિ ઝાંખી પડી ગઈ છે પણ તેમનાં કર્મોની નહીં. તેમણે બચાવેલી બે જિંદગીઓ આજે પણ તેમને એટલી જ યાદ કરે છે…

 

This story is written by Purvi (U.S.A.). All rights reserved by Purvi.


For any More information Please Contact Me

To know more About Me!


એપ ડાઉનલોડ કરો બીજા ધમાકેદાર લેખો માટે


Thanks!


Don’t forget to Like, Share, Comment !

આવું સાંભળીને તો ગાંડા થઇ ગયા! પણ હું તો નવું નવું લાવ્યો છું.

ટીચર: ચાલો લોઠાઓ (જરા દેશી રીતે!) આજે તમને પરીક્ષા વિશે ની ટિપ્સ આપું.

બાબુ : ભાઈ આવું સાંભળીને ગાંડા થઇ ગયા!

ભાઈલો : આજ સુધી આપણી પરીક્ષા આવે એટલે આ લોકો આવી એક ની એક પીપુડી વગાડે!

Continue reading “આવું સાંભળીને તો ગાંડા થઇ ગયા! પણ હું તો નવું નવું લાવ્યો છું.”